हिन्दु सम्राट सेना सुनसरीद्वारा दीप प्रज्ज्वलन कार्यक्रम सम्पन्न
हिन्दु सम्राट सेना सुनसरीद्वारा दीप प्रज्ज्वलन कार्यक्रम सम्पन्न
सुनसरी, भोक्राहा नरसिंह — हिन्दु सम्राट सेना सुनसरीले भोक्राहा नरसिंह गाउँपालिका वडा नं २, अकाहास्थित गोल चौकमा दीप प्रज्ज्वलन कार्यक्रम सम्पन्न गरेको छ। कार्यक्रम ‘पीडितलाई न्याय देऊ, हत्यारालाई कारबाही गर’ भन्ने नाराका साथ आयोजित गरिएको थियो।
कार्यक्रममा प्रकृति लम्साल र रिंकु कुमारी सदा लगायतका पीडितहरूको पक्षमा दीप प्रज्ज्वलन कार्यक्रम सम्पन्न भएको थियो । जसमा नेपाली कांग्रेस संगठन विभागका सदस्य एवं समाजसेवी राजेन्द्र मेहता, हिन्दु सम्राट सेना सुनसरीका संयोजक दिपेश कुमार मेहता, वडा नं २ का वडा सदस्य बलदेव मेहता, कार्यक्रम सञ्चालक प्रितम मेहता, स्थानीय प्रहरी, सशस्त्र प्रहरी बल तथा स्थानीय जनताको उल्लेखनीय सहभागिता रहेको थियो।
कार्यक्रमको उद्देश्य अन्यायमा परेका व्यक्तिहरूलाई न्याय दिलाउनु तथा दोषीमाथि कानूनी कारबाहीको माग गर्नु रहेको आयोजकहरूले बताए। स्थानीय नागरिकहरूले घटनाप्रति गहिरो चासो देखाउँदै न्यायको पक्षमा ऐक्यबद्धता जनाएका थिए।
कार्यक्रम शान्तिपूर्ण रूपमा सम्पन्न भएको थियो भने उपस्थित सबै पक्षहरूले पीडितलाई न्याय दिलाउन निरन्तर आवाज उठाउने प्रतिबद्धता जनाएका छन्।
