“सुरक्षित आप्रवासनकाे आधार, सूचना र सीपकाे राेजगार” विषयमा अन्तरक्रिया कार्यक्रम सम्पन्न”

चुन चुन झा / विराटनगर, २०२४ डिसेम्बर १८ – सुरक्षित आप्रवासनकाे महत्वलाई प्रचारप्रसार गर्दै सामाजिक विकास मन्त्रालय, कोशी प्रदेशको आयोजनामा “सुरक्षित आप्रवासनकाे आधार, सूचना र सीपकाे राेजगार” मूल नाराका साथ अन्तरक्रिया कार्यक्रम सम्पन्न भएको छ। कार्यक्रम अन्तर्राष्ट्रिय आप्रवासन दिवसको अवसरमा आयोजना गरिएको थियो।

कार्यक्रमकाे प्रमुख आतिथ्यता सामाजिक विकास मन्त्री पँचकर्ण राईले गरेका थिए भने अध्यक्षता मन्त्रालयका निमित्त सचिव दामोदर फुयालले गरेका थिए। कार्यक्रममा सामी कार्यक्रमका प्रदेश संयोजक कोपिला दाहाल, कोशी प्रदेशका कार्यक्रम अधिकृत देवनारायण चौधरी, रेमी परियोजनाका प्रदेश संयोजक सपना थापा, रेमी परियोजनाका कार्यक्रम अधिकृत रिता विश्वास र नारायण विक, साथै आप्रवासी कामदार हकहित संरक्षण केन्द्र, कोशी प्रदेशका उपाध्यक्ष सन्तोष लिम्बू, महासचिव दिपेन्द्र यादव, सचिव जिज्ञासा तामाङ (गोले), र कोषाध्यक्ष चुनचुन झालगायतका विशिष्ट व्यक्तिहरूको उपस्थिति रहेको थियो।

अन्तरक्रिया कार्यक्रममा सहभागीहरूले सुरक्षित आप्रवासन प्रवर्द्धनका लागि सूचना प्रवाह र सीपमूलक तालिमको महत्त्वमाथि प्रकाश पारे। उनीहरूले वैदेशिक रोजगारीमा जाने श्रमिकहरूलाई सशक्त बनाउन संस्थागत समन्वय आवश्यक रहेको बताएका थिए।

कार्यक्रमको आयोजना सामाजिक विकास मन्त्रालय, सामी कार्यक्रम, रेमी परियोजना, र आप्रवासी कामदार हकहित संरक्षण केन्द्रबीचको समन्वयमा भएको थियो। कार्यक्रममा उपस्थित सहभागीहरूले सुरक्षित आप्रवासनलाई प्रवर्द्धन गर्दै वैदेशिक रोजगारीमा जाने श्रमिकहरूको हकहित र सुरक्षाका लागि ठोस कदम चाल्न सहकार्य आवश्यक रहेको कुरामा जोड दिए।

कार्यक्रमले आप्रवासी श्रमिकहरूका लागि सुरक्षित र सुदृढ वातावरण निर्माणमा महत्त्वपूर्ण योगदान दिने विश्वास लिइएको छ।