मधेश प्रदेशका दुईजना मन्त्रीले राजीनामा दिए
श्रावण १५ । मधेश प्रदेश सरकारमा जनमत पार्टीबाट मन्त्री बनेका दुइजनाले राजीनामा दिएका छन् ।
मुख्यमन्त्री सरोजकुमार यादवले उनीहरूको जिम्मेवारी खोसेका थिए । कुशवाहाले सम्हालेको भूमि व्यवस्था, कृषि तथा सहाकारी मन्त्रालयको जिम्मेवारी खोसेर सो पदमा नेकपा (एकीकृत समाजवादी)का प्रदेशसभा सदस्य गोविन्द न्यौपानेलाई नियुक्त गरिएको थियो । त्यसपछि कुशवाहा र उक्त मन्त्रालयका राज्यमन्त्री यादव विना विभागीय बनेका थिए ।
दुवैलाई हटाएर अब विस्तार गरिने मन्त्रिपरिषद्मा प्रदेशसभामा पार्टीका प्रमुख सचेतक चन्दन सिंहलाई मन्त्री र मञ्जु खंगलाई राज्यमन्त्रीका रूपमा पठाउने जनमतको तयारी छ । आज मधेस मन्त्रिपरिषद् विस्तार गरिने तयारी छ ।
अहिले गृह, सञ्चार तथा कानुन मन्त्रालय र श्रम तथा यातायात मन्त्रालयको जिम्मेवारी मुख्यमन्त्री यादवले नै सम्हालेका छन् । नेपाली कांग्रेसले गृह तथा सञ्चार र जनमतले श्रम तथा यातायात मन्त्रालय पाउने सम्भावना छ ।
मधेश प्रदेशका मुख्य मन्त्री सरोज यादवले आजै मन्त्रिपरिषद् विस्तार गर्ने तयारी गर्नुभएको पनि ती नेताले बताए ।
