Banner NewsBanner news (with photo)खेलकुदताजा समाचारफिचरमनोरञ्जनमुख्य समाचार
पीएसजीलाई हराउँदै बार्यन च्याम्पियन्स लिगको आन्तिम आठमा
जर्मन क्लब बार्यन म्युनिख युईएफए च्याम्पियन्स लिग फुटबलको क्वाटरफाइनलमा प्रवेश गरेको छ ।
विहीबार विहान सकिएको खेलमा फ्रेन्च क्ल्ब पीएसजीलाई २–० गोल अन्तरले पराजित गरको हो ।
पहिलो लेगमा १–० गोलको जित दर्ता गरेको बार्यनले दोस्रो खेलको नतिजा पनि आफ्नो पक्षमा पार्दा समग्रमा ३–० को जितसहित क्वाटरफाइनलमा स्थान बनाउन सफल भयो ।
लियोनल मेस्सी र केलियन एम्बाप्पे जस्ता स्टार खेलाडी रहेको पीएसजी भने प्रतियोगिताबाट बाहिरियो ।
बार्यनलाई जिताउन इरिक चुपो र सर्जि ग्यानबेरीले एक एक गोल गरेका थिए ।
पहिलो हाफ गोलरहित बराबरीमा सकिएको खेलमा दुवै गोल दोस्रो हाफमा निस्किएका हुन् ।
चुपोले ६१ औं मिनेटमा गोल गदै बार्यनलाई अग्रता दिलाएका थिए ।
८९ औं मिनेटमा ग्यानबेरीले गोल गरेपछि बार्यन २–० ले विजयी भयो ।
