Banner NewsBanner news (with photo)अर्थतन्त्रअर्थव्यवस्थाताजा समाचारदेशबिचित्रमुख्य समाचारराजनीतिसुरक्षा/अपराधसूचना / प्रबिधि
गालेर सकियो तस्करीको अवैध ६० केजी सुन
काठमाडौं । तस्करले हङ्कङबाट मोटरसाइकलको ‘ब्रेक शु’ भित्र लुकाएर ल्याएको सुन आज टक्सार महाशाखामा गालिएको छ ।
महाशाखाका प्रमुख थानेश्वर आचार्यका अनुसार सरोकारवाला निकाय र सुरक्षा निकायका प्रतिनिधिको रोहवरमा सुनगालिएको हो ।
गालेपछि सुनको तौल ६० किलो ७१६ ग्राम रहेको नेपाल राष्ट्र बैंकको टक्सार महाशाखाले जनाएको छ। यसअघि सुनको तौल ६० किलो ७८९ ग्राम थियो । सुनबाट ७३ ग्राम जर्दी निस्किएको जनाइएको छ ।
सोमबार ब्रेक शुबाट सुनछुट्याउने काम भएको थियो। छुट्याउँदा सुन ६० किलो ७८९ ग्राम तौल रहेको पाइएको थियो ।
गालेपछि सुनको मात्रा घट्नसक्ने अनुमान गरिएको थियो । अब उक्त सुनको गुणस्तर र आर्थिक परीक्षणको काम सुरु हुनेछ ।
