अर्थमन्त्री : अर्थतन्त्रका समस्या स्वीकारेर अगाडि बढेको छु
काठमाडौं । अर्थमन्त्री डा प्रकाशशरण महतले नेपाली अर्थतन्त्रका समस्या स्वीकार गरेर बजेट ल्याएको बताएका छन् । अर्थमन्त्री महतले आगामी आर्थिक वर्षको बजेट प्रस्तुत गर्ने क्रममा बजेट सुधार र कार्यान्वयनको प्रस्ताव राखेको बताएका हुन् ।
सोमबार प्रतिनिधिसभाको बैठकमा बजेटमाथि सांसदहरूले उठाएका प्रश्नको जवाफ दिँदै मन्त्री महतले समस्याहरू एकै चरणमा समाधान गर्न नसकिने भन्दै अर्थतन्त्रका सबै समस्याहरु स्वीकारेर अगाढि बढेको बताए ।
काठमाडौं । अर्थमन्त्री डा प्रकाशशरण महतले नेपाली अर्थतन्त्रका समस्या स्वीकार गरेर बजेट ल्याएको बताएका छन् । अर्थमन्त्री महतले आगामी आर्थिक वर्षको बजेट प्रस्तुत गर्ने क्रममा बजेट सुधार र कार्यान्वयनको प्रस्ताव राखेको बताएका हुन् ।
सोमबार प्रतिनिधिसभाको बैठकमा बजेटमाथि सांसदहरूले उठाएका प्रश्नको जवाफ दिँदै मन्त्री महतले समस्याहरू एकै चरणमा समाधान गर्न नसकिने भन्दै अर्थतन्त्रका सबै समस्याहरु स्वीकारेर अगाढि बढेको बताए ।
साधारण खर्च कटौतीको सुरुवात गर्ने बजेट ल्याएको बताउँदै उनले भने, ‘मैले अहिलेको अवस्थामा देखिएका समस्या के छन् ? राजस्वको स्थिति के छ ? वैदेशिक ऋण र सहायताको स्थिति के छ ? मौद्रिक नीतिले ल्याएका प्रभाव के छन् ? अर्थ नीतिले ल्याएका प्रभाव के छन् ? कोभिडको के–कस्तो प्रभाव परेको छ ? भनेर मात्र नभएर युक्रेन युद्धले ल्याएको बाह्य समस्याको कारणबाट नेपाली अर्थतन्त्र कसरी प्रभावित भएको छ ? यी तमाम कारणहरूले हाम्रो अर्थतन्त्रमा के कस्ता प्रभावहरू परे ? त्यस्तै गरेर पुँजी प्रवाहमा अर्थतन्त्रमा तरलता दिनेमा के कस्ता समस्याहरू आए ? त्यसलाई स्वीकार गरेर अगाडि बढेको छु ।’
उनले आफू अर्थमन्त्री भएलगत्तै सुधार भएको दाबीसमेत गरे । अर्थमन्त्री महतले भने, ‘मैले यो भनेको छैन कि सम्पूर्ण चिज हामी आउनेबित्तिकै राम्रो भयो । यति छोटो समयमा राम्रो हुने कुरा पनि छैन । यी समस्याहरू एक–डेढ वर्षमा सिर्जित समस्या पनि होइनन् । धेरै पहिलेदेखि थपिँदै गएर थुप्रो लागेका समस्या हुन् । यी थुप्रो लागेको समस्यालाई हामीले एक धक्काले समस्या समाधान गर्छु र अगाडि बढ्छु भन्ने दाबी गरेको छैन ।’
उनले नेपालको अर्थतन्त्रमा समस्या रहेको र आर्थिक वृद्धि कम भएको बताए । राजस्व संकलन कम भएको र आन्तरिक ऋण लिइरहनुपरेको बताउँदै उनले वैदेशिक सहायतामा निर्भरता कम गर्न नसकिएको बताए । ‘यी सबै कुरालाई स्वीकार गरेर अगाडि बढेको र बढ्ने क्रममा अब हामीले चरणबद्ध रुपमा अप्ठ्याराहरूलाई हटाउने हो’ उनले भने ।
अर्थमन्त्री महतले समस्याको चाङ एकै पटकमा हटाउन नसकिने बताउँदै भने, ‘मैले बजेट सुधारको प्रस्ताव राखेको छु । बजेट कार्यान्वयनको प्रस्ताव राखेको छु ।’
