युएई स्तब्ध : नेपाल एसिया कपको लागि छनौट

१९ चैत, काठमाडौं । काठमाडौंमा जारी एसीसी प्रिमियर कपको उपाधि नेपालले हात पारेको छ ।

युएईलाई ७ विकेटले स्तब्ध पार्दै नेपालले उपाधि हात पारेको हो ।  ्

उपाधिसंगै नेपाल एसिया कपका लागि छनौट भएको छ ।

जितका लागि पाएको ११८ रनको लक्ष्य नेपालले ३० दशमलब ३ ओभरमा ३ विकेटको क्षतीमा पुरा गर्यो ।

जसमा गुल्शन झा र भीम सार्कीले उत्कृष्ट ब्याटिंग गरे । गुल्शन ६७ र भीम ३६ रनमा अविजित रहे ।

२२ रन जोड्दा ३ विकेट  गुमाएर संकटमा परेको नेपाली टोलीलाई भीम र गुल्शनले सम्हाले ।

यी दुबै ब्याटरबीच ९६ रनको साझेदारी भयो ।

नेपालले अब एसिया कपमा भारत, पाकिस्तानलगायतका देशसंग खेल्नेछ ।